កិច្ចសហការលើផលិតផលខ្មែរ​ និងបច្ចេកទេសប្រពៃណីជប៉ុន

ជំនួបប្រកបដោយភាពស្និទ្ធស្នាលរវាងលោក តាន់ មីសស្សែល ប្រធានអគ្គនាយក របស់ក្រុមហ៊ុន មិសុតា និង លោក Toyoda Minoru ម្ចាស់អាជីវកម្មគ្រួសារជំនាន់ទី 15 របស់ក្រុមហ៊ុន Amekaze ដែលមានប្រវត្តិកកើតតាំងពី 335 ឆ្នាំមុន ក្នុងក្រុង Osaka នៃប្រទេសជប៉ុន។ បច្ចុប្បន្ន Amekaze កំពុងមានវត្តមាននៅកម្ពុជា ដោយប្រើប្រាស់វត្ថុធាតុដើមខ្មែរជា អង្ករសរីរាង្គបាត់ដំបង ដែលល្បីល្បាញជាសកល អំបិលកំពត និងសណ្តែកសៀងមានគុណភាព មកកែច្នៃជាផលិតផល Koji និង Miso ដោយប្រើប្រាស់បច្ចេកទេសជាប្រពៃណីផ្ទាល់របស់ Amekaze។